Бирлашган Араб Амирликларининг Дубай шаҳрида “Суд бошқарувининг халқаро тенденциялари” мавзуида халқаро конференция бўлиб ўтмоқда.

Суд бошқаруви халқаро ассоциацияси (IACA) томонидан ташкил этилган халқаро анжуманда Ўзбекистон Республикаси Судьялар олий кенгашининг икки нафар аъзоси - Хуршид Садиков ва Хуснидин Камолов иштирок этмоқда.

Олтмишдан зиёд давлатдан келган 300 нафарга яқин делегатлар иштирокида ўтаётган халқаро анжуманда суд бошқарувининг аҳамияти ва суд ишларини кўришда сунъий интеллектни жорий этиш масалаларини муҳокама қилиниб, ўзаро тажрибалар алмашинмоқда. Куни кеча вакилларимизнинг “Сунъий интеллектни бошқаришда халқаро стандартларнинг ўрни” мавзуидаги маърузаси табдир иштирокчилари эътирофига сазовор бўлди. Маъруза доирасида Ўзбекистонда амалга оширилаётган суд-ҳуқуқ ислоҳотлари тўғрисида ҳам атрофлича маълумот берилди.

Эслатиб ўтамиз, Судьялар олий кенгаши Суд бошқаруви халқаро ассоциацияси(IACA) аъзолигига 2024 йилда қабул қилинган.