Янгиликлар
Сайёр қабул: инсон манфаати йўлидаги мулоқот
Аввал хабар берганимиздек, Тошкент вилояти Халқ қабулхонасида Судьялар олий кенгаши раиси Х.Ёдгоровнинг оммавий сайёр қабули бўлиб ўтди.Қабул давомида вилоятнинг барча ҳудудларидан кўплаб фуқаролар турли масалалар юзасидан мурожаат қилишди. Жумладан, 24 нафар фуқаро мурожаатларининг 3 таси жойида ҳал этилди. Қабулнинг яна бир эътиборли жиҳати — судга мурожаат қилган низоли оилалардан 3 нафари яраштирилди. Сайёр қабул доирасида Тошкент вилояти Бандлик бошқармаси томонидан бўш иш ўринлари ярмаркаси ҳам ташкил этилди. Меҳнат ярмаркасида 124 та корхона ва ташкилот иштирок этиб, турли соҳалар бўйича 2 мингдан зиёд бўш иш ўрни таклиф этилди. Ярмаркада 521 нафар иш изловчи фуқаро қатнашди. Ярмарка якунларига кўра, 136 нафар фуқаро доимий ишга жойлаштирилди, 69 нафари эса касб-ҳунарга ўқитиш курсларига йўлланма олди.Ушбу оммавий сайёр қабул нафақат ҳуқуқий масалаларни ҳал этиш, балки аҳоли бандлигини таъминлаш ва оилалар мустаҳкамлигини сақлашга хизмат қилгани билан ҳам аҳамиятли бўлди.Бу каби тадбирлар давлат идоралари билан аҳоли ўртасидаги очиқ мулоқотни янада мустаҳкамлаш, инсон қадри ва манфаатини таъминлаш йўлида муҳим амалий қадам бўлиб хизмат қилади.
САЙЁР ҚАБУЛ БОШЛАНДИ
Бугун Тошкент вилояти Халқ қабулхонасида фуқароларнинг мурожаатларини эшитиш, уларни кўриб чиқиш ҳамда қонуний ҳуқуқ ва манфаатларини таъминлаш мақсадида Ўзбекистон Республикаси Судьялар олий кенгаши раиси Х.Ёдгоровнинг сайёр қабули бошланди.Сайёр қабул тафсилотлари билан кейинги материалларимиз орқали танишишингиз мумкин.
Президент Шавкат Мирзиёев ёшлар билан учрашув ўтказди ва қатор янгиликларни эълон қилди:
Ҳар йили 500 минг ўғил-қизни замонавий касбга эга бўлишини таъминлайдиган “Келажак билимлари экотизими” йўлга қўйилади. Қўлида касби бўлиб, халқаро талаблар асосида янги кўникмаларни эгалламоқчи бўлган ёшларга “касб ваучери”ни бериш йўлга қўйилади. Ушбу “касб ваучери” фоизсиз ссуда шаклида бўлиб, ҳар йили 50 минг нафар ёшнинг замонавий касбларни ўрганиш харажатлари қоплаб берилади.Халқаро касб танловларида ғолиб бўлган давлат ва хусусий техникум ўқувчилари 100 миллион сўмдан, уларни тайёрлаган устозлари 50 миллион сўмдан мукофот олади.Олийгоҳ битирувчисини ишга олган тадбиркорга ёш мутахассис учун даромад ва ижтимоий солиқ бир йил ичида 1 фоиз этиб белгиланади.Ёшлар учун касб ва тил ўрганиш, ишга жойлашиш, тадбиркорлик бўйича ўнлаб хизматлар мавжуд. Бу хизматлардан “ягона дарча” тамойили асосида фойдаланиш учун Ёшлар хаблари ташкил этилади. Ушбу тажриба Сурхондарёдан бошланиб, босқичма-босқич бошқа ҳудудларда ҳам оммалаштирилади.Ёш лидерларни аниқлаш бўйича 5 та йўналишда “ТОП-100” дастури амалга оширилади. Дастур доирасида “янги иқтисодиёт”, АТ ва сунъий интеллект, таълим, тиббиёт ва қишлоқ хўжалиги бўйича юртимиздаги ёшлар ҳамда чет элдаги ватандошларимиз учун очиқ танлов эълон қилинади.Ҳар бир вазирлик ва тармоқ ўз йўналишида “ТОП-100” иқтидорли ёшлар” дастурини бошлайди ва ўз йўналишидаги халқаро ташкилотларга стажировкага юборади.Энди ҳар бир вазир, тармоқ раҳбари ва ҳокимлар “1 мингта масалага – ёшлардан 1 мингта ечим” лойиҳасини ишга туширади.Эндиликда АТ ва сунъий интеллект соҳалари учун кадр тайёрлайдиган олийгоҳларнинг 3-курс талабалари АТ паркда “дуал таълим” асосида ўқишни давом эттиради.Мутасаддиларга барча 15 та АТ парк ҳудудида компьютер ва мобил ўйинлар яратувчилари учун инкубацион марказ очиб, миллий руҳдаги ўйинларни кўпайтириш бўйича янги тизимни йўлга қўйиш топширилди.
Ишонч телефони
Сизда ариза, шикоят ёки таклифлар мавжудми? Судьялар олий кенгашига ишонч телефонлари орқали мурожаат қилинг!
71 200-26-00 ёки 1190