Бугун Судьялар олий кенгашининг судьялик лавозимларига танлаш ва тайинлашга оид очиқ танлов шаклидаги йиғилиши бўлиб ўтди.

Муқобиллик асосида ўтган танлов натижасида жиноят ишлари бўйича Самарқанд вилоятининг Жомбой ва Пахтачи туманлари судларига янги раис, жиноят ишлари бўйича Наманган шаҳар судига тергов судьяси ва бошқа қатор тайинловлар амалга оширилди.

Судьялар олий кенгаши қарори билан:

Абдураззаков Абдусаттор Азаматович – судьялик ваколати муддати даврига Жиззах вилоят судининг жиноят ишлари бўйича судьяси лавозимига қайта тайинланди ва шу муносабат билан Самарқанд вилояти жиноят ишлари бўйича Жомбой туман судининг раиси лавозимидан озод қилинди;

Ботиров Жамшид Хайриддинович – судьялик ваколати муддати даврининг беш йил муддатига Самарқанд вилояти жиноят ишлари бўйича Жомбой туман судининг раиси лавозимига қайта тайинланди ва шу муносабат билан Самарқанд вилояти жиноят ишлари бўйича Пахтачи туман судининг раиси лавозимидан озод қилинди;

Холбоев Алишер Рахматович – судьялик ваколати муддати даврининг беш йил муддатига Самарқанд вилояти жиноят ишлари бўйича Пахтачи туман судининг раиси лавозимига қайта тайинланди ва шу муносабат билан Самарқанд вилоят судининг жиноят ишлари бўйича судьяси лавозимидан озод қилинди;

Рахимов Анвар Матякубович – судьялик ваколати муддати даврининг беш йил муддатига Хоразм вилояти фуқаролик ишлари бўйича Шовот туманлараро судининг раиси лавозимига қайта тайинланди ва шу муносабат билан Хоразм вилоят судининг фуқаролик ишлари бўйича судьяси лавозимидан озод қилинди.

Шунингдек:

Эронқулов Отабек Мамаюсуфович – судьялик ваколати муддати даврига Наманган вилояти жиноят ишлари бўйича Наманган шаҳар судининг тергов судьяси лавозимига;

Жумабаев Бекзод Абдувахидович – судьялик лавозимида бўлишнинг навбатдаги ўн йиллик, шундан беш йил муддатга Самарқанд вилояти жиноят ишлари бўйича Нарпай туман судининг раиси лавозимига тайинланди.