Янгиликлар
Тизимда навбатдаги тайинловлар: айрим судьяларнинг иш жойи ўзгарди
Судьялар клуби форуми: мавзу - “59 ва 60 моддалари”нинг хос талаб ҳамда тартиблари
Ўқув курслари бошланди
Иймонимизга хиёнат, виждонимизга зид, қасамёдимизга хилоф хатолар кечирилмайди
Ўтаётган ҳар кунларнинг бугундаги манзараси
Муҳим саналарнинг ўзга хос завқи, ўзгача шукуҳи бўлади. Бироқ “9 май – Хотира ва қадрлаш куни”нинг завқидан кўра масъулияти устуворроқдир. Айни санада тинчлик ва хотиржамлик қанчалар олий неъмат экани, юрт учун ўзини фидо қилган аждодларни хотирлаш баробарида келажак олдидаги бурч янада теранроқ ҳис этилади. Зотан, Хотира ва Қадр тушунчалари замирида инсон ўзлигини англаши, одамийлик фазилатларини улуғлашдек қадриятлар ётади. Инсоннинг азизлиги, хотиранинг муқаддаслиги ҳам шунда. Инсон қадрини улуғлаш, уларнинг ҳуқуқ ва эркинликлари, қонуний манфаатларини таъминлаш мамлакатимизда амалга оширилаётган ислоҳотларнинг устувор йўналиши ҳисобланади. Бунинг ҳуқуқий асоси “инсон-жамият-давлат” тамойилига қурилган Янги Ўзбекистон Конституциясида яққол акс этган. Давлатимиз раҳбарининг 2020 йил 7 декбардаги фармонида ҳам мазкур тамойил ўз аксини топганини кўриш мумкин. Мазкур ҳужжатда судьяларнинг чинакам мустақиллигини таъминлаш, суд тизимида коррупциянинг олдини олиш самарадорлигини оширишга доир қўшимча чора-тадбир белгиланиши билан бирга одил судловни амалга оширишда узоқ йиллар самарали меҳнат қилиб, нафақага чиққан судьялар алоҳида эътиборга олингани билан ҳам аҳамиятлидир. Ушбу фармон асосида жорий этилган “Суд фахрийси” кўкрак нишони билан намунавий фаолияти билан ҳурмат қозонган фахрийлар тақдирланиб келинмоқда. Ўтган уч йилда 203 нафар фахрийларимиз шундай эътирофга муносиб кўрилди. Хотира ва қадрлаш куни муносабати билан яна 25 нафар устозларнинг кўксига “Суд фахрийси” кўкрак нишони тантанали равишда тақиб қўйилди. Шу муносабат билан Судьялар олий кенгашида ўтган мухтасар тадбирда фахрийларнинг меҳнатлари яна бир бор ҳақли равишда эътироф этилди. Тадбир онлайн шаклда ўтказилгани унинг аҳамияти таъсир қилмади ҳисоб. Чунки, масофа узоқ бўлса-да, кўнгил яқин. Таъкид этилдики, инсон қадрини улуғлаш, ўтганларни ёд этиб, ёнимиздагиларнинг эъзозлаш мавсумий санага айланига йўқ, аксинча, кундалик ҳаёт ва фаолиятимизнинг ажралмас қисми ҳисобланади. “Хотира ва қадрлаш куни”да эса ўтаётган кунларимиз акси шу санада яққолроқ кўринади, холос.
Ибратли умрларнинг оташин ҳикоялари
Инсон умри бир нафаслик, деймиз. Аммо шу бир нафас хам кишининг ўзидан катта мерос колдириши, хотираларда абад сақланувчи ишларни қилиши, яхши гаплар билан эсланиши учун етарлидир. Бундай инсонлар бошқаларга ўрнак бўлади. Турли илмий ва бадиий асарлар учун қаҳрамонга айланади. Ўзбекистон Республикаси Судьялар олий кенгаши томонидан бугунги кунда фаолият юритаётган судьялар учун ана шундай том маънода ибрат мактаби бўладиган, ҳалол-пок яшаб, одамлар орасида алоҳида ҳурмат қозонган, юксак мартабага эришган машҳур судьялар ҳаёти ва фаолиятига бағишланган туркум китоблар нашр этилмоқда. Мазкур китобларни чоп қилиш асносида янги жамиятимизнинг бош мақсадига айланган инсонни эъзозлаш ғоясининг ҳаётий рўёбига муносиб ҳисса қўшиш кўзда тутилган. Ўтган йили босмадан чиққан Турсунали Акбаровнинг “Одиллик ва оддийлик саодати” ҳамда Арслон Эшмуродовнинг “Муносиб яшамоқ бахти”, “Матонатли аёл қиссаси” китоблари ҳам ана шундай хайрли ва эзгу ишнинг давоми, десак, муболаға эмас. “Одиллик ва оддийлик саодати” китобида Ўзбекистонда хизмат кўрсатган юрист, “Меҳнат шуҳрати” ордени ва “Фахрий судья” кўкрак нишони соҳиби Бахтиёр Мирбобоевнинг ибратли ҳаёт йўли ва фаолия-ти ҳақида ҳикоя қилинади. Ҳуқуқшунослар, мазкур соҳага энди қадам қўяётган толибу илмлар ҳамда инсон ҳуқуқ ва эркинликларини таъминлаш йўлида меҳнат қилаётган ҳуқуқ-тартибот идоралари ходимлари учун ажойиб туҳфа бўлган “Муносиб яшамоқ бахти” китоби Ўзбекистонда хизмат кўрсатган юрист, таниқли давлат важамоат арбоби Алишер Мардиевнинг шарафли ҳаёт йўлига бағишланган. “Матонатли аёл қиссаси” китоби орқали эса эл орасида машҳур бўлган, умрининг катта қисмини судьяликдек оғир ва машаққатли соҳага бағишлаган юртдошларимиздан бири, узоқ йиллар суд-ҳуқуқ тизимида самарали иш олиб борган суд фахрийси Умсун Астанова ҳаёти ва фаолияти билан яқиндан танишасиз. Умуман олганда, ушбу уча-ла китоб ҳам ибратли умр-ларнинг оташин ҳикояларидан ташкил топган. Уларни ўқиш чоғида баъзан қаҳрамонларга таҳсин айтасиз, баъзида юзингизга табассум югуради, баъзан эса кўзингизга ёш келади... Ушбу китоблар кўнглингиз ва кутубхонангиздан муносиб ўрин эгаллашига ишонамиз. (“Халқ сўзи” газетаси, 2024 йил, 1 май. 84(8707)-сон)
РАСМИЙ МУНОСАБАТ
"Telegram" мессенжеридаги айрим каналларда эълон қилинган Бухоро вилоят солиқ бошқармаси бошлиғининг биринчи ўринбосарига нисбатан юритилган маъмурий ҳуқуқбузарликка доир ишнинг суд томонидан такрор-такрор қайтарилганлигига оид хабар кенгроқ изоҳ талаб қилади. Мазкур маъмурий ҳуқуқбузарликка доир иш автоматик тақсимотга кўра, жиноят ишлари бўйича Бухоро шаҳар суди судьяси иш юритувига келиб тушган. Бироқ унда қатор процессуал камчиликлар аниқлангани боис иш суднинг ажрими билан (камчиликларни бартараф қилиш учун) тегишли органга қайтарилган (27. 02. 2024й). Шундан кейин маъмурий ҳуқуқбузарликка доир мазкур ишнинг электрон шакли неча марта судга юборилган бўлcа, унинг қоғоз шакли тақдим этилмагани боис шунча марта ортга қайтариб юборилган. Бу жараёнда иш бирор-бир судьянинг иш юритувига тушмаган ва ҳеч қандай суд ҳужжати қабул қилинмаган. Бироқ, дастлабки ўрганишларга кўра, ишни қайтариш ҳақида жорий йилнинг 27 февралида қабул қилинган (биринчи ва ягона) суд ажрими ва иш ҳужжатлари ўз вақтида тегишли органга етиб бормаган кўринади. Бунга кимлар ва қандай омиллар сабаб бўлганига эса хизмат текшируви йўли билан аниқлик киритилиши мумкин. Шундан келиб чиқиб, ҳолат юзасидан хизмат текшируви тайинланган. Бухоро вилоят судлари судьялари малака ҳайъати томонидан ўтказилаётган хизмат текшируви натижаси бўйича қўшимча ахборот берилади. Судьялар олий кенгаши матбуот хизмати
Ишонч телефони
Сизда ариза, шикоят ёки таклифлар мавжудми? Судьялар олий кенгашига ишонч телефонлари орқали мурожаат қилинг!
71 200-26-00 ёки 1190