Янгиликлар
Навбатдаги ўқув курси якунланди: унда қандай масалалар муҳокама этилди?
Керакли юкнинг оғирлиги бўлмаганидек, қўшимча билим ва кўникмалар ҳеч қачон ортиқчалик қилмайди. Аксинча, қайси касб эгаси бўлмасин, ўз устида муттасил ишламаса, келажаги катта сўроқ остида қолиши аниқ. Судьяларнинг-ку, инчунин: зотан, бундай масъулиятли лавозимга тайинланмоқ бир машаққат бўлса, унинг юки кўтариш каррасига масъулият талаб қилади. Чунки, давр шиддат билан ўзгармоқда. Бундай ўзгаришлар ортидан муносабатларнинг янги-янги қирралари намоён бўлаётир. Шунга монанд судларда кўрилаётган низолар сони-ю салмоғидан ташқари мазмун кўламиям кенгайиб бораётир. Шу ва шу каби сабаблар судьяларнинг муттасил малакасини ошириб боришни эҳтиёжини пайдо қилиши аён. Судьялар олий кенгаши ҳузуридаги Судьялар олий мактаби томонидан бу борада тегишли чора-тадбирларни ишлаб чиқилиб, изчил ижро этиб келинмоқда. Куни кеча якунига етган ўқув курслари режадаги ишларнинг бир қисми ҳисобланади. Икки ҳафта давом этган ўқув курслари барча ихтисосликдаги туман (шаҳар) суди судьялари ва бир гуруҳ суд аппарати ходимлари иштирок этди. Курслар онлайш шаклда ўтгани сабаби маълум: ортиқча оворагачилик йўл қўймаслик. Қолаверса, биринчи инстанция судларида (айниқса, фуқаролик судларида) иш ҳажми нечоғли экани сир эмас. Машғулотлар барча иштирокчилар учун мақбул вақтга белгилангани эса унинг (курсларнинг) самарадорлигини оширишга хизмат қилишини тажрибалар кўрсатмоқда. Машғулот жадвали ҳам судлар ихтисослашувидан келиб чиққан ҳолда бугуннинг долзарб мавзуларидан шакллантирилди. Масалан, жиноят ишлари бўйича судларнинг судьялари билан асосан гиёҳвандлик, талончлик, ўғрилик каби жиноятлар, жамоат тартибини бузиш билан боғлиқ маъмурий ҳуқуқбузарликлар тўғрисидаги ишлар квалификацияси ва жазо тайинлашдаги муаммолар муҳокама қилинган бўлса, иқтисодий судларнинг судьялари билан бўлган машғулотда асосий эътибор шартномалар, уларнинг турлари, бундай ҳужжатларни ўзгартириш ва бекор қилишга оид низоларни кўриб чиқишда учраётган муаммолар ва уларнинг қонуний ечимларига қаратилди. Фуқаролик ишлари бўйича судларда компенсация ва маънавий зарарни ундириш, уй-жой ва мерос низолари билан боғлиқ низолар кўп муҳокамаларга сабаб бўлаётгани сир эмас. Мазкур суд судьялари суд аппарати ходимларига мўлжалланган машғулотларида айни шу масалалар муҳокама этилиши ўз-ўзидан равшан. Ўқув машғулотлар якунида иштирокчиларга малака сертификатлари топширилди. Сертификатлар пойтахтда фаолият кўрсатаётган судьяларга Судьялар олий мактабининг ўзида топширилган бўлса, ҳудудларда туриб иштирок этганларга эса Қорақалпоғистон Республикаси ва вилоят судлари малака ҳайъатлари мутасаддилари орқали етказилади.
Судьялар олий кенгаши ҳузуридаги Судьялар олий мактаби қабул комиссиясининг АХБОРОТИ
Ўзбекистон Республикаси Судьялар олий кенгаши ҳузуридаги Судьялар олий мактабининг судьялик лавозимларига номзодларни тайёрлаш курсига 2022/2023 ўқув йили учун талабгорлардан фуқаролик, жиноят, иқтисодий ва маъмурий суд ихтисосликлари бўйича 2022 йилнинг 15 апрелидан 16 майигача ҳужжатлар қабул қилинди. Мазкур жараёнда жами 752 та талабгорнинг ҳужжати қабул қилинган бўлиб, уларнинг 333 таси (44%) жиноят, 148 таси (20%) фуқаролик, 170 таси (22%) иқтисодий ва 101 таси (14%) маъмурий суд ихтисослигига тегишли. Ҳудудлар кесимида ҳисобланса, Тошкент шаҳридан 213 та, Самарқанд вилоятидан 68 та, Қашқадарё вилоятидан 63 та, Фарғона вилоятидан 61 та, Қорақапоғистон Республикасидан 45 та, Андижон вилоятидан 43 та, Наманган вилоятидан 42 та, Хоразм вилоятидан 37 та, Сурхондарё вилоятидан 34 та, Бухоро вилоятидан 33 та, Навоий вилоятидан 33 та, Тошкент вилоятидан 32 та Сирдарё вилоятидан 30 та ва Жиззах вилоятидан 18 та ҳужжат топширилган. Талабгорларнинг 355 нафари суд, 83 нафари прокуратура, 71 нафари юридик хизмат, 70 нафари адлия, 54 нафари адвокатура, 52 нафари ички ишлар, 10 нафари нотариал идора, 8 нафари солиқ, 7 нафари таълим, 4 нафари божхона, 38 нафари эса бошқа идора ва ташкилотларнинг ходимларидир. Талабгорларнинг 541 нафари (71%) 40 ёшгача, 190 нафари (25%) 40-50 ёшгача, 21 нафари (4%) 50 ёшдан юқори. Судьялар олий мактабининг судьялик лавозимларига номзодларни тайёрлаш курсига 2022/2023 ўқув йили учун қабул квотаси жами 65 та, шундан жиноят ҳуқуқи бўйича 25 (йигирма беш)та, фуқаролик ҳуқуқи бўйича 20 (йигирма)та, иқтисодий ҳуқуқ бўйича 12 (ўн икки)та ҳамда маъмурий ҳуқуқ бўйича 8 (саккиз)та қилиб белгиланганлиги маълум қилинади. Қабул комиссияси
Бухоро вилоят судининг раисига ўринбосар тайинланди
Ўзбекистон Республикаси Президентининг тегишли фармойиши билан Салимжон Олимович Абдурасулов судьялик ваколати муддати даврининг беш йил муддатига Бухоро вилоят суди раисининг ўринбосари – иқтисодий ишлар бўйича судлов ҳайъати раиси лавозимига тайинланди. Салимжон Абдурасулов тайинловга қадар Навоий вилоят судининг иқтисодий ишлар бўйича судьяси лавозимида ишлаган. Судьялар олий кенгаши матбуот хизмати
Ишонч телефони
Сизда ариза, шикоят ёки таклифлар мавжудми? Судьялар олий кенгашига ишонч телефонлари орқали мурожаат қилинг!
71 200-26-00 ёки 1190