Янгиликлар
Матбуот котиблари бевосита, суд раислари масофадан...
Кеча вилоят ва унга тенглаштирилган судларнинг матбуот котиблари учун “Жамоатчилик ва оммавий ахборот воситалари ходимлари билан ишлаш: муаммо ва ечимлар” мавзусида семинар бўлиб ўтди. Судьялар олий кенгаши ва Олий суд ҳамкорлигида ўтказилган тадбирда матбуот котибларидан ташқари вилоят ва унга тенглаштирилган судлар раислари масофадан иштирок этди. Тадбирлар, катта ё кичикроқми, мутасаддилар иштирокисиз ўтмайди. Бироқ бу гал бироз бошқача йўл тутилди. Семинарнинг биринчи қисмида тизим раҳбарияти иштирок этмади, шу тариқа матбуот котибларига мавзу юзасидан бемалол ва эркин мулоқот қилиш, мавжуд муаммо ва уларнинг ечимлари бўйича ўзаро фикр алмашиш имконияти ҳавола этилди (раҳбар минг очиқ бўлмасин, ҳаммаям унинг олдида ўз фикрини бемалол айта олмаслиги бор гап). Бунинг натижасида судлар фаолияти тўғрисида жамоатчиликка ўз вақтида ва объектив ахборот бериш, тизим ҳақида оммавий ахборот воситалари ва ижтимоий тармоқлардаги танқидий чиқишларга тезкор муносабат билдириш, медиа вакиллари билан сифатли мулоқотни йўлга қўйиш борасидаги ишлар таҳлил қилинди, муайян камчиликлар, уларнинг сабаб ва ечимлари очиқ, аччиқ ва ошкора муҳокама қилинди. Ўзаро мулоқотда оммавий ахборот воситалари ва ижтимоий тармоқларда тизим фаолияти бўйича қонунга хилоф ва асоссиз эълон қилинаётган чиқишлар судьяларнинг мустақиллиги ва дахлсизлигига таъсирига алоҳида эътибор қаратилди. Ахборот хуружларига объектив ва тезкор муносабат билдиришнинг турли услуб ва шакллари, ахборот технологиялари имкониятларидан унумли фойдаланиш бўйича таклифлар ўртага ташланди. Шунингдек, судьяларнинг оммавий ахборот воситалари билан ҳамкорлигига доир Судьялар одоби кодекси қоидалари, бу жараёнда матбуот котибларининг вазифалари хусусида гапирилди. Алоҳида қайд этилдики, аҳолини судга бўлган ишончини янада мустаҳкамлаш, ҳар бир шахс суд ва судьялар сиймосида ўзининг ишончли ҳимоячисини кўришига эришиш тизим олдидаги устувор вазифа экан, бунда жамоатчилик билан алоқаларга масъул бўлган матбуот котиблари зиммасидаги вазифалардан келиб чиқиб, уларга лозим шароитлар яратишдан ташқари жойлардаги айрим суд раҳбарлари ахборот сиёсати масаласида қарашларини ўзгартириши лозимлиги ҳам очиқ айтилди. Тадбирнинг иккинчи қисмида тизим мутасаддиларидан ташқари оммавий ахборот воситалари вакиллари ҳам иштирок этди. Улар иштирокида матбуот котиблари фаолияти юзасидан эътироф ҳам айтилди, эътирозлар ҳам билдирилди. Шунингдек, уларнинг малакаси ва фаолиятини самарадорлигини янада ошириш, судлар фаолиятига доир сўровлар ва уларга жавоб бериш, бу борада юзага келаётган айрим тушунмовчиликлар, тизим фаолиятининг ўзига хос хусусиятлари, ҳуқуқий тартибларига эътибор қаратилди. Бундан ташқари оммавий ахборот воситалари ходимлари ва блогерларнинг ихтисослашуви зарурияти, “суд мухбирлари” корпусини шакллантириш эҳтиёжи, бу борада суд органлари томонидан таклиф ва тавсиялар ишлаб чиқиш масалалари ҳам семинар ишининг асосий мавзуларидан бўлди.
Тайинловларга оид очиқ танлов якунланди
Судьялар олий кенгашининг тайинловларга оид очиқ танлов шаклидаги йиғилиши якунланди. Муқобиллик асосида ўтган жараён натижаларига кўра, тўққиз нафар судья ваколати муддати даврига қайта тайинланди. Шунингдек, ваколат муддати якунига етган судьялардан ўн икки нафари фаолиятини давом эттирадиган бўлди: улар ушбу лавозимда бўлишнинг навбатдаги ўн йиллик муддатига тайинланди. Судьялар олий кенгаши қарори билан: Разиков Акмал Зухриддинович - судьялик ваколати муддати даврига Андижон вилояти фуқаролик ишлари бўйича Андижон туманлараро судининг судьяси лавозимига қайта тайинланди ва шу муносабат билан Фарғона вилояти фуқаролик ишлари бўйича Қўқон туманлараро судининг раиси лавозимидан озод қилинди; Сулайманов Нодир Баходирович - судьялик ваколати муддати даврининг беш йил муддатига Фарғона вилояти фуқаролик ишлари бўйича Қўқон туманлараро судининг раиси лавозимига қайта тайинланди ва шу муносабат билан Фарғона вилоят судининг фуқаролик ишлари бўйича судьяси лавозимидан озод қилинди; Очилов Улуғбек Сайдирасулович - судьялик ваколати муддати даврининг беш йил муддатига Тошкент вилояти жиноят ишлари бўйича Янгийўл туман судининг раиси лавозимига қайта тайинланди ва шу муносабат билан Тошкент вилоят судининг жиноят ишлари бўйича судьяси лавозимидан озод қилинди; Ёриев Илхом Олимович - судьялик ваколати муддати даврига Тошкент вилоят судининг жиноят ишлари бўйича судьяси лавозимига қайта тайинланди ва шу муносабат билан Тошкент вилояти жиноят ишлари бўйича Ўртачирчиқ туман судининг раиси лавозимидан озод қилинди; Аширматов Сагдулла Нигматович - судьялик ваколати муддати даврига Тошкент вилояти жиноят ишлари бўйича Ўртачирчиқ туман судининг раиси лавозимига қайта тайинланди ва шу муносабат билан Тошкент вилоят судининг жиноят ишлари бўйича судьяси лавозимидан озод қилинди; Матниязов Сардорбек Хожиназарович - судьялик ваколати муддати даврига Хоразм вилоят маъмурий судининг судьяси лавозимига қайта тайинланди ва шу муносабат билан Тошкент шаҳар маъмурий судининг судьяси лавозимидан озод қилинди; Эргашев Маъруфжон Махмуджонович - судьялик ваколати муддати даврига Тошкент вилоят маъмурий судининг судьяси лавозимига қайта тайинланди ва шу муносабат билан Тошкент вилояти Нурафшон туманлараро маъмурий судининг судьяси лавозимидан озод қилинди; Хакимов Ойбек Саъдуллаевич - судьялик ваколати муддати даврига Тошкент шаҳар маъмурий судининг судьяси лавозимига қайта тайинланди ва шу муносабат билан Тошкент шаҳар Тошкент туманлараро маъмурий судининг судьяси лавозимидан озод қилинди; Тошев Дусмурод Баратович - судьялик ваколати муддати даврига Тошкент шаҳар маъмурий судининг судьяси лавозимига қайта тайинланди ва шу муносабат билан Тошкент шаҳар Тошкент туманлараро маъмурий суди раисининг ўринбосари лавозимидан озод қилинди. Шунингдек: Акрамов Акрам Равшанович - судьялик лавозимида бўлишнинг навбатдаги ўн йиллик муддатига Тошкент вилоят судининг фуқаролик ишлари бўйича судьяси лавозимига; Шералиев Улугбек Қодирович - судьялик лавозимида бўлишнинг навбатдаги ўн йиллик, шундан беш йил муддатга Андижон вилояти жиноят ишлари бўйича Балиқчи туман судининг раиси лавозимига; Солиев Умиджон Махмудович - судьялик лавозимида бўлишнинг навбатдаги ўн йиллик муддатига Андижон вилоят судининг жиноят ишлари бўйича судьяси лавозимига; Назирбеков Ахмаджон Салимжонович - судьялик лавозимида бўлишнинг навбатдаги ўн йиллик, шундан беш йил муддатга Андижон вилояти жиноят ишлари бўйича Избоскан туман судининг раиси лавозимига; Тожиев Жўрабек Мухторович - судьялик лавозимида бўлишнинг навбатдаги ўн йиллик муддатига Бухоро вилояти жиноят ишлари бўйича Бухоро шаҳар судининг судьяси лавозимига; Жаббаров Иброхим Султонмуратович - судьялик лавозимида бўлишнинг навбатдаги ўн йиллик, шундан беш йил муддатга Наманган вилояти жиноят ишлари бўйича Чортоқ туман судининг раиси лавозимига; Раупов Жонибек Муродкулович - судьялик лавозимида бўлишнинг навбатдаги ўн йиллик, шундан беш йил муддатга Самарқанд вилояти жиноят ишлари бўйича Иштихон туман судининг раиси лавозимига; Саидов Ҳикмат Раматжанович - судьялик лавозимида бўлишнинг навбатдаги ўн йиллик, шундан беш йил муддатга Хоразм вилояти жиноят ишлари бўйича Янгибозор туман судининг раиси лавозимига; Чориев Дилшод Шавкатович - судьялик лавозимида бўлишнинг навбатдаги ўн йиллик муддатига Хоразм вилоят маъмурий судининг судьяси лавозимига; Сафаров Абдулла Ҳусанович - судьялик лавозимида бўлишнинг навбатдаги ўн йиллик муддатига Сурхондарё вилоят судининг иқтисодий ишлар бўйича судьяси лавозимига; Расулов Ўктам Хайдарович - судьялик лавозимида бўлишнинг навбатдаги ўн йиллик, шундан беш йил муддатга Қашқадарё вилояти жиноят ишлари бўйича Кўкдала туман судининг раиси лавозимига; Сайфиддинов Сирожиддин Шарофиддинович - судьялик лавозимида бўлишнинг навбатдаги ўн йиллик муддатига Андижон вилояти жиноят ишлари бўйича Қўрғонтепа туман судининг судьяси лавозимига тайинланди.
Кенгаш вакиллари IOJTнинг Сеулда бўлиб ўтаётган навбатдаги конференциясида иштирок этмоқда
Жанубий Кореянинг Сеул шаҳрида Судьялар малакасини ошириш халқаро ташкилотининг (IOJT) навбатдаги конференцияси бўлиб ўтмоқда. Дунёнинг 70 дан ортиқ давлат вакиллари жамланган мазкур тадбирда Ўзбекистон Республикаси Судьялар олий кенгаши аъзолари Хуршид Содиқов ва Ҳусниддин Камолов иштирок этмоқда. Конференциядан кўзланган мақсад – судьялик лавозимларига номзодларни тайёрлаш, судьялар корпусини шакллантириш ҳамда судьяларнинг малакасини ошириш масалаларида фикр алмашиш бўлиб, ҳар бир давлат вакиллари миллий тажрибаларини тақдим қилмоқда. Жумладан, Судьялар олий кенгаши котиби Хуршид Содиқовнинг Кенгаш томонидан ташкил этилган Ижодкор судьялар клуби фаолияти тўғрисидаги маърузаси ҳамда судьяларнинг малакасини оширишга доир ўқув дастурларига уларнинг маънавиятини юксалтириш билан боғлиқ масалаларни киритиш борасидаги таклифлари конференция иштирокчиларида катта қизиқиш уйғотди. Шунингдек, судлар фаолиятига сунъий интеллектни жорий этиш масалалари конференция муҳокама марказида бўлди. Бу борада вакилларимиз илгари сурган концепция асосида Ўзбекистон, АҚШ, Хитой, Сингапур, Бразилия ва Жанубий Корея делегациялари томонидан халқаро ҳужжат лойиҳасини ишлаб чиқиш бўйича ишчи гуруҳ тузишга келишиб олинди. Эслатиб ўтамиз, Судьялар малакасини ошириш халқаро ташкилоти (IOJT) 2002 йилда ташкил этилган. Айни пайтда 77 мамлакатнинг судьялик лавозимларига номзодларни тайёрлаш ва судьялар малакасини оширишга ихтисослашган 125 та ташкилот ҳамда таълим муассасалари мазкур халқаро ташкилот аъзолари ҳисобланади. 2022 йил ноябрь ойида Канаданинг Оттава шаҳрида бўлиб ўтган конференцияда Судьялар олий кенгаши ушбу халқаро ташкилот аъзолигига қабул қилинган. Шу муносабат билан вакилларимиз халқаро ташкилотнинг Сеулда бўлиб ўтаётган ассамблеяси кун тартибидаги масалалар бўйича овоз бериш жараёнида тўлақонли аъзо сифатида иштирок этди.
Ишонч телефони
Сизда ариза, шикоят ёки таклифлар мавжудми? Судьялар олий кенгашига ишонч телефонлари орқали мурожаат қилинг!
71 200-26-00 ёки 1190