Янгиликлар
Юк кўтарган юзага чиқаверади
9 май - "Хотира ва қадрлаш куни" муносабати билан суд тизимида узоқ ва самарали фаолият кўрсатган тўққиз нафар фахрийга "Суд фахрийси" кўкрак нишони билан тақдирлангани хабари берилганди. Жойларда кўкрак нишонини ўз эгаларига топшириш маросимлари бўлиб ўтди. Хусусан, куни кеча Қашқадарё ва Бухорода шундай маросимлар бўлиб ўтди. Яъни, “Қашқадарё вилоят суд раиси ўринбосари – фуқаролик ишлари бўйича судлов ҳайъати раиси Эргаш Умиров, узоқ йиллар Қашқадарё ва Бухоро вилоятларида судья бўлиб фаолият юритган Абдураҳмон Каримов ҳамда Турсунбой Тангриевга “Суд фахрийси” кўкрак нишони тантанали равишда топширилди. Мукофотнинг катта-кичиги бўлмайди. Уларнинг ҳар бири эътироф. Эътирофга эса меҳнат билан эришилади. Тизимда узоқ йиллар меҳнат қилиб, пенсия чиққан фахрийлар учун ҳатто кичик эътиборнинг қадри ўзгача! Ана энди уларнинг нақ “Суд фахрийси” кўкрак нишони билан тақдирланишидан туйган қувончининг тасаввур қилаверинг... Судьяликнинг юки енгил эмас. Бундай юкни кўтарганлар, кўтара олганлар доим юзага чиқади. Кенгаш томонидан фахрийларга берилаётган эътибор ва уларнинг меҳнатлари эътирофи эса бунга яққол мисол. Эслатиб ўтамиз, “Суд фахрийси” кўкрак нишони давлат раҳбарининг 2020 йил 7 декабрдаги “Судьяларнинг чинакам мустақиллигини таъминлаш ҳамда суд тизимида коррупциянинг олдини олиш самарадорлигини ошириш чора-тадбирлари тўғрисида”ги Фармонига биноан жорий этилган бўлиб, одил судловни амалга оширишда узоқ йиллар самарали меҳнат қилиб, пенсияга чиққан судьяларга топширилади
Халқаро конференцияда суд-ҳуқуқ ислоҳотлари алоҳида эътироф этилди
Жорий йилнинг 6-7 май кунлари Чехия Республикасининг пойтахти Прага шаҳрида Марказий ва Шарқий Европа юридик институти (CEELI Institute) томонидан ташкил этилган “Суд ҳокимиятига жамоатчилик ишончини шакллантириш: суд ҳокимияти мустақиллигини таъминлаш истиқболлари” мавзусидаги халқаро конференция бўлиб ўтди. Унда Ўзбекистон Судьялари ҳамжамиятининг икки вакили - Судьялар олий кенгаши аъзоси Хуршид Содиқов ва Тошкент шаҳар судининг иқтисодий ишлар бўйича судьяси Мухиддин Султонов иштирок этди. Конференцияда 20 дан ортиқ давлатлардан судьялар иштирок этиб, суд ҳокимияти мустақиллигини таъминлаш, судга нисбатан жамоатчилик ишончини шакллантириш ва мустаҳкамлаш масалаларида халқаро тажриба алмашилди. Эътиборлиси, конференция иштирокчилари Ўзбекистонда амалга оширилган суд-ҳуқуқ ислоҳотлари ҳамда Судьялар олий кенгаши томонидан судьялик корпусини шакллантириш, судьялар дахлсизлигини таъминлаш ҳамда коррупцияни олдини олиш бўйича қилинган ишларни юқори эътироф этдилар. Судьялар олий кенгаши матбуот хизмати
М У Н О С А Б А Т
"Daryo" (ва бошқа) интернет нашрида эълон қилинган мақолада кўтарилган мавзу журналистлар ўртасида баҳс-мунозараларга сабаб бўлгани бор гап. Суд мажлиси жараёнини ёритишда журналист ва блогерлардан тилхат олиниши уларнинг ҳуқуқларини тўғридан тўғри чекланишига олиб келмаса-да, ахборот олишда муайян тушунмовчиликлар келтириб чиқариши эътиборидан бундай амалиётни бекор қилиш тавсия қилинди. Судьялар олий кенгаши матбуот хизмати
Ишонч телефони
Сизда ариза, шикоят ёки таклифлар мавжудми? Судьялар олий кенгашига ишонч телефонлари орқали мурожаат қилинг!
71 200-26-00 ёки 1190