Янгиликлар
Судьялар фаолиятининг самарадорлигини электрон рейтинг баҳолаш миллий тизими: тажриба, таҳлил, таклиф
Ворислик ҳуқуқи: мавжуд заруриятларга айрим таклифлар
Тадбиркор аёллар билан давра суҳабти ўтказилди
Ваколати муддати даврига қайта тайинланганларнинг ўн саккиз нафари раҳбар судьялик лавозимига лойиқ кўрилди
Судьялар клубининг навбатдаги онлайн-форуми
Кеча Кенгаш ҳузуридаги Ўзбекистон Судьялар клубининг фуқаролик ишлари бўйича судлар судьяларининг онлайн-форуми бўлиб ўтди. Бу галги форум аввалгиларидан фарқ қилди. Аввал Клуб электрон платформасида энг кўп муҳокамага сабаб бўлган фуқаролик-ҳуқуқий муносабатлардан келиб чиқадиган бир қанча низолар, уларни суд тартибда кўриб чиқишга доир масалалар битта форум кун тартибига киритилган бўлса, бу сафар анъанавийликдан бироз чекинилди. Яъниким, форумда бир қанча эмас, долзарблигидан келиб чиқиб, фақат битта масала муҳокама қилинди. Бироқ бу - Клуб платформасида муҳокама мавзусига айланган бошқа мавзу-масалалар эътибордан четда қолади, дегани эмас. Фуқаролик-ҳуқуқий муносабатдан келиб чиқадиган низолар тоифаларга ажратилиб, ҳар бири бўйича алоҳида-алоҳида мулоқот қилиш мақсадга мувофиқ деб топилдики, Клуб мутасаддиларининг бундай қарори мавзуни атрофлича муҳокама қилиб, кенгроқ тавсиялар бериш имкониятини яратади. Кечаги форумда ишга тиклаш ва иш ҳақи ундиришга доир низоларни судлар кўриб чиқилиши, ушбу тоифадаги айрим низоларнинг хос хусусият ва мураккабликлари, суд амалиётида қонун ҳужжатларини қўллашда юзага келаётган номутаносиблик ва ҳуқуқий бўшлиқлар, уларни бартараф этиш учун Олий суд Пленуми даражасида тушунтиришлар бериш эҳтиёжи каби масалалар муҳокама қилинди. Айтилдики, ишга тиклаш масаласи ҳуқуқий ва ижтимоий жиҳатдан муҳим аҳамиятга эга. Судлар бу жараёнда қарорларни қабул қилишда қонунчиликка асосланган ҳолда, ҳар икки томоннинг манфаатларини ҳисобга олишлари шарт. Шу билан бирга, ишга тиклашга доир қонун механизмларининг самарали ишлаши, фуқароларнинг меҳнат ҳуқуқларини ҳимоя қилишга катта ҳисса қўшади ва ходимларнинг ижтимоий-иқтисодий аҳволини яхшилайди.
Яна бир гуруҳ номзод судьялар қайта тайёрлаш курсларини якунлади
Раҳбарлик лавозимларига номзодлар захирасига қабул қилинган судьяларнинг яна бир гуруҳи қайта тайёрлаш курсларини муваффақиятли якунлади. Маълумки, Судьялар олий кенгаши ташаббуси билан тизимда раҳбар судьялик лавозимлари учун кадрлар захирасини шакллантиришга алоҳида эътибор қаратиб келинмоқда. Шу мақсадда жорий йилнинг апрель ойида икки юз нафар судья тест синовларидан ўтказилиб, энг юқори балл олган олтмиш нафари раҳбарлик (туман, шаҳар, туманлараро судларнинг раислари ва раис ўринбосари) лавозимларига номзодлар захирасига нафари қабул қилганди. Кенгаш қарорига асосан, улар учун Кенгаш ҳузуридаги Судьялар олий мактабида икки ойлик қайта тайёрлаш курслари ташкил этилди. Жорий йилнинг май ва сентябрь ойларида раҳбарлик лавозимларига номзодлар захирасига қабул қилинган судьяларнинг икки гуруҳи қайта тайёрлаш курсларида таҳсил олган бўлса, яқинда учинчи гуруҳ таркибидаги судьялар ҳам шундай таҳсилни муваффақиятли якунлади. Қайта тайёрлаш курсларида асосий эътибор судьяларнинг касбий билимларини чуқурлаштириш, уларда суд маъмуриятчилигини юритиш кўникмаларини шакллантириш, шунингдек иш ва бошқарувни ташкил этишнинг инновацион шакл ва услубларини ўзлаштиришга қаратилди. Таҳсил доирасида Тошкент шаҳар суди ва Олий судда амалиёт ҳам ташкил этилди. Қайта тайёрлаш курслари битирув лойиҳа ишини муваффақиятли ҳимоя қилган номзод судьяларга тегишли сертификатлар топширилди. Қайта тайёрлаш курсини муваффақиятли тамомлаган судьяларнинг битирув лойиҳа ишлари сараланиб, тўплам шаклида нашр этиш ҳам режада бор.
Анқарада ТДТ Судьялар кенгашлари ишчи гуруҳи йиғилиши бўлиб ўтди
Туркиянинг Анқара шаҳрида Туркий Давлатлар Ташкилоти (ТДТ)га аъзо давлатлар Судьялар кенгашлари вакилларидан таркиб топган ишчи гуруҳи йиғилиши бўлиб ўтди. Унда ТДТ Судьялар кенгашлари тармоғининг Низом лойиҳаси муҳокама қилинди. Муҳокамаларда Ўзбекистон Республикаси Судялар олий кенгашининг аъзолари Гўзал Зиганшина ва Маликахон Қаландарова иштирок этди. Йиғилишда Низом лойиҳаси бўйича фикр алмашилди, шунингдек, ТДТга аъзо давлатлар ўртасида суд-ҳуқуқ соҳасидаги ҳамкорлик механизмлари ва ривожлантириш йўлидаги устувор масалалар муҳокама қилинди. Қайд этилдики, Судьялар кенгашлари тармоғи Туркий Давлатлар Ташкилотига аъзо давлатлар судьялари ҳамжамиятлари ўртасидаги ҳамкорликни янги босқичга кўтариб, минтақавий бирдамликни мустаҳкамлайди, қўшма лойиҳаларга амалга оширилишига кенг имконият яратади. Ишчи гуруҳи томонидан ишлаб чиқилган Низом лойиҳаси Туркий Давлатлар Ташкилоти Судьялар кенгаши раисларининг 2025 йил июнь ойида Озарбайжонда бўлиб ўтадиган учинчи йиғилишида имзоланиши кутилмоқда.
Ишонч телефони
Сизда ариза, шикоят ёки таклифлар мавжудми? Судьялар олий кенгашига ишонч телефонлари орқали мурожаат қилинг!
71 200-26-00 ёки 1190