Янгиликлар
РАСМИЙ МУНОСАБАТ
Кейинги пайтларда Судьялар олий кенгаши қисқа вақт ичида кўп мажлис ўтказгани ҳақида турли фикрлар билдирилмоқда. Аммо бунинг жиддий сабаблари бор. 2025 йил 16 июль куни Кенгаш ҳузуридаги Судьялар олий мактаби навбатдаги битирувчиларини тайёрлаб чиқарди. Уларнинг кўпчилиги судьялик имтиҳони натижаларини кутиб турган, ҳали олдинги иш жойига тикланмаган, барча ҳужжатлари тайёр ва номзодлар тўлиқ ўрганилган эди. Шу билан бирга, 1 июль ҳолатига мамлакат бўйича 122 та судьялик лавозими вакант эди. Шу вазиятдан келиб чиқиб, Кенгаш қисқа вақт ичида кўплаб номзодларни судьяликка тайинлашга қарор қилди. Натижада, Судьялар олий мактабини битирган 182 нафар номзоддан 76 нафари судьялик лавозимида бўлишнинг биринчи беш йиллик муддатига тайинланди ва 7 август ҳолатига келиб, янги муддатга тайинланган судьялар билан бирга вакант лавозимлар сони 53 тага тушди. Солиштириш учун: 2024 йилда Судьялар олий мактаб битирувчиларидан 154 нафар номзоднинг 66 нафари август ойида судьяликка тайинланган. Судьялик лавозимлари бўш қолса, судларда иш ҳажми ортиб, одамлар ўз ишларининг кўриб чиқилишини узоқ кутишига тўғри келади. Бу эса фуқароларнинг ҳуқуқ ва манфаатларига салбий таъсир кўрсатиши, суд жараёнларида узилиш ва кечикишлар юзага келиши мумкин. Қолган судьяларга ортиқча юклама тушиши натижасида иш сифати пасайиши эҳтимоли ҳам бор. Шунинг учун вакант ўринларни имкони борича тез тўлдириш жуда муҳим – етарли судьялар бўлса, ишлар ўз вақтида, тез ва адолатли кўриб чиқилади. Бундан ташқари, Судьялар олий кенгашида 2025/2026 ўқув йили учун Судьялар олий мактабида ўқишга топширган 1016 нафар талабгорнинг ҳужжатларини ўрганиш ишларини бошлашдан олдин барча Кенгаш мажлисларини ўтказиш мақсадга мувофиқ, деб топилган. Судьялар олий кенгаши судьялар корпусини шакллантириш, шу жумладан, судлардаги вакант лавозимларни ўз вақтида ва самарали тўлдириш учун барча зарур чораларни кўрмоқда. Судьялар олий кенгаши матбуот хизмати
Илк бор судьялик лавозимга тайинланганлар сафи кенгаймоқда
Бугун давом этган Судьялар олий кенгашининг судьялик лавозимларига танлаш ва тайинлашга доир очиқ танлов шаклидаги йиғилишида яна 11 нафар номзод судьялик лавозимига муносиб деб топилди. Ушбу тайинловлардан сўнг жорий йилда Кенгаш ҳузуридаги Судьялар олий мактабини муваффақиятли битириб, судьялик лавозимида бўлишнинг биринчи беш йиллик муддатига тайинланганлар 77 нафарга етди. Бугунги очиқ танлов якунига кўра, Судьялар олий кенгаши қарори билан: Амиров Дилмурод Амирович – судьялик лавозимида бўлишнинг биринчи беш йиллик муддатига Жиззах вилояти жиноят ишлари бўйича Бахмал туман судининг раиси лавозимига; Эшонқулов Тўлқин Қурбанбаевич – судьялик лавозимида бўлишнинг биринчи беш йиллик муддатига Жиззах вилояти жиноят ишлари бўйича Янгиобод туман судининг раиси лавозимига; Миразимов Ҳусан Бурибоевич – судьялик лавозимида бўлишнинг биринчи беш йиллик муддатига Жиззах вилояти жиноят ишлари бўйича Фориш туман судининг раиси лавозимига; Қодирқулов Лазиз Адхамович – судьялик лавозимида бўлишнинг биринчи беш йиллик муддатига Жиззах вилояти жиноят ишлари бўйича Дўстлик туман судининг раиси лавозимига; Алимбеков Жаҳонгир Худойқул ўғли – судьялик лавозимида бўлишнинг биринчи беш йиллик муддатига Сирдарё вилояти жиноят ишлари бўйича Мирзаобод туман судининг раиси лавозимига; Умаров Ахтам Негмаматович – судьялик лавозимида бўлишнинг биринчи беш йиллик муддатига Бухоро вилояти Бухоро туманлараро маъмурий судининг судьяси лавозимига; Пўлатов Миршод Салимович – судьялик лавозимида бўлишнинг биринчи беш йиллик муддатига Хоразм вилояти Урганч туманлараро маъмурий судининг судьяси лавозимига; Якубов Азамат Надирович – судьялик лавозимида бўлишнинг биринчи беш йиллик муддатига Тошкент шаҳар Тошкент туманлараро маъмурий судининг судьяси лавозимига; Сатторов Авазжон Насуруллоевич – судьялик лавозимида бўлишнинг биринчи беш йиллик муддатига Сурхондарё вилояти Сариосиё туманлараро иқтисодий судининг раиси лавозимига; Таджибаев Бобур Ғанишерович – судьялик лавозимида бўлишнинг биринчи беш йиллик муддатига Самарқанд вилояти Самарқанд шаҳар иқтисодий судининг судьяси лавозимига; Хайитов Илхом Шераматович судьялик лавозимида бўлишнинг биринчи беш йиллик муддатига Андижон вилояти Андижон туманлараро иқтисодий судининг судьяси лавозимига тайинланди.
Танлов давом этмоқда
Судьялар олий кенгаши ҳузуридаги Судьялар олий мактабини муваффақиятли битирган номзодларни судьялик лавозимида бўлишнинг биринчи беш йиллик муддатига тайинлаш масаласи кўриб чиқилиши давом этмоқда. Бугун бўлиб ўтган Судьялар олий кенгашининг очиқ танлов шаклидаги йиғилишида яна етти нафар номзод судьялар ҳамжамияти аъзолигига қабул қилинди. Судьялар олий кенгаши қарори билан: Юсупов Хуршид Абдурашитович – судьялик лавозимида бўлишнинг биринчи беш йиллик муддатига Жиззах вилояти фуқаролик ишлари бўйича Ғаллаорол туманлараро судининг судьяси лавозимига; Каримов Шохрух Шавкатович – судьялик лавозимида бўлишнинг биринчи беш йиллик муддатига Навоий вилояти фуқаролик ишлари бўйича Хатирчи туман судининг судьяси лавозимига; Таджибаева Раъно Эргашевна – судьялик лавозимида бўлишнинг биринчи беш йиллик муддатига Тошкент вилояти фуқаролик ишлари бўйича Оҳангарон туманлараро судининг судьяси лавозимига; Абулқосимова Ситора Абдулкосимовна – судьялик лавозимида бўлишнинг биринчи беш йиллик муддатига Тошкент вилояти фуқаролик ишлари бўйича Янгийўл туманлараро судининг судьяси лавозимига; Юлдашева Навбахор Эргашевна – судьялик лавозимида бўлишнинг биринчи беш йиллик муддатига Хоразм вилояти жиноят ишлари бўйича Шовот туман судининг раиси лавозимига; Сапаев Хамрабек Рахимберганович – судьялик лавозимида бўлишнинг биринчи беш йиллик муддатига Хоразм вилояти жиноят ишлари бўйича Ҳазорасп туман судининг раиси лавозимига; Усманов Иномжон Исломбаевич – судьялик лавозимида бўлишнинг биринчи беш йиллик муддатига Хоразм вилояти жиноят ишлари бўйича Урганч туман судининг раиси лавозимига тайинланди.
Ишонч телефони
Сизда ариза, шикоят ёки таклифлар мавжудми? Судьялар олий кенгашига ишонч телефонлари орқали мурожаат қилинг!
71 200-26-00 ёки 1190