Янгиликлар
Ҳалоллик ва поклик – адолатнинг саодатли йўли
Судьялар олий кенгаши ташаббуси билан “Ҳалоллик ва поклик – адолатнинг саодатли йўли” мавзусида маърифий тадбир бўлиб ўтди. Унда суд фахрийлари, судьялар (вилоятдагилар масофадан), судьялик лавозимларига номзодлар иштирок этди. Суд тизими вакиллари учун маънавий-маърифий тадбирлар ўтказилиши, унда таниқли олимлар, атоқли адиблар иштироки яхши анъанага айланиб бормоқда. Бу галги тадбир Ўзбекистон халқ шоири Усмон Азим билан учрашув шаклида ўтди. Тадбирда қайд этилдики, қонун устуворлиги, ижтимоий адолатни таъминлаш масъулиятли ва шарафли вазифа ҳисобланади. Бунинг учун қонунларни пухта билиш ва тўғри қўллашдан ташқари маънавий баркамоллик ҳам талаб қилади. Зеро, маънавияти юксак, иродаси мустаҳкам инсон адолатсизликка йўл қўймайди. Учрашувда судьялар бадиият билан ошно бўлишининг аҳамияти ҳақида алоҳида сўз юритилди. Чунки, китоб жамият ҳаётидаги муносабатларнинг бадиий шаклдаги ифодасидир. Инсон қалбини англаши учун бадиий асарлар мутолаасидан яхши восита йўқ. Шундагина инсоннинг, хусусан, суддаги тарафларнинг руҳий кечинмаларни тушуниш, изтиробларини ҳис қилиш мумкин. Бу эса асосли, адолатли ва қонуний қарорлар қабул қилинишида муҳим аҳамият каб этади. Унутмаслик керакки, ўқишдан тўхтаган киши фикрлашдан тўхтайди. Жонли ва самимий ўтган тадбирда Усмон Азим инсон саодати унинг ҳалол ва поклигига боғлиқ экани, бу ғоя унинг деярли барча асарларида акс этгани, шунингдек, адолат ҳаётнинг бош маъноси, тараққиётнинг таянч нуқтаси эканини таъсирли мисоллар билан ифода қилди. Дарвоқе, бугунги тадбир учун алоҳида дастур тузилгани йўқ, сўзга чиқадиганлар рўйхати шакллантириб, регламент ҳам белгиланмади. Фақат, тамомилга кўра, тадбир аввалида ҳурматли меҳмон ҳақида икки оғиз гапирилиб, унга сўз берилди. Ўз навбатида ўзбекнинг атоқли ва эрка шоири мавзу бўйича “гоҳ кулдириб, гоҳ куйдириб”, бироқ бирдай самимий гаплар айтди, ижод жараёнлари, маълум ва машҳур асарларини ёзишга турти бўлган омиллар хусусида тўлқинланиб сўзлади, ўзига хос услубидаги ижод намуналаридан ўзигагина хос оҳангларда ўқиди. Якунда эса судьялар орасида шинавандалари оз эмаслигидан хурсанд бўлиб, китобларига мамнуният билан дастхатлар ёзиб берди.
Кенгаш вакиллари амалиёт жараёнлари билан танишди
Cудьялар олий кенгаши ҳузуридаги Судьялар олий мактаби тингловчилари учун амалиёт бошланди. Тингловчилар кеча ўқишга кирган ёш талабалар эмас. Олий маълумотли ҳуқуқшунос шаҳодатини аллқачон қўлга киритиб, суд-ҳуқуқ тизимида салкам ўн йил тажриба орттиришга ҳам улгурган. Бундан англашиладики, амалиёт жараёни, бундаги талаблар ҳам шунга яраша бўлади. Жорий ўқув йилида Судьялар олий мактабининг судьялик лавозимларига тайёрлаш курсида 153 нафар тингловчи (48 нафари жиноят, 47 нафари фуқаролик, 30 нафари иқтисодий ва 28 нафари маъмурий ҳуқуқ йўналишлари бўйича) таҳсил олмоқда. Уларнинг аксарияти ўзлари таҳсил олаётган йўналиш бўйича Тошкент ва Тошкент вилоятлари судлари амалиёт ўтамоқдалар.Тингловчиларнинг ҳар бирига мазкур судлар судьялари бириктирилган. Куни кеча Судьялар олий кенгаши вакиллари тингловчилар амалиёт ўтаётган судларда бўлиб, жараён билан яқиндан танишди. Тингловчилар ва уларга бириктирилган судьялар билан ўтказилган мулоқотларда интизомдан тортиб, амалиёт шакли ва тартиблар хусусида очиқ-ойдин гаплашилди. Шунингдек, тингловчиларда тегишли кўникмалар шакллантиришнинг самаралари усулларини янада такомиллаштириш борасида фикр алмашилди.
Янги тайинловлар амалга оширилди
Судьялар олий кенгашининг очиқ танлов шаклидаги йиғилиши бўлиб ўтаётгани хабари берилганди. Кенгаш ваколатига доир қатор масалалар муҳокамаси якунида тегишли қарорлар қабул қилинди. Бунинг натижасида бир неча нафар судьялар ушбу лавозимда бўлишнинг навбатдаги муддатига, шунингдек, айрим судьялар ваколати муддати даврига қайта тайинланди. Судьялар олий кенгаши қарори билан: Исоков Анвар Нормуродович – судьялик ваколати муддати даврининг беш йил муддатига Навоий вилояти жиноят ишлари бўйича Зарафшон шаҳар судининг раиси лавозимига қайта тайинланди ва шу муносабат билан Навоий вилоят судининг жиноят ишлари бўйича судьяси лавозимидан озод қилинди; Жўраев Улуғбек Тўраевич – судьялик ваколати муддати даврининг беш йил муддатига Бухоро вилояти жиноят ишлари бўйича Бухоро шаҳар судининг раиси лавозимига қайта тайинланди ва шу муносабат билан Бухоро вилоят судининг жиноят ишлари бўйича судьяси лавозимидан озод қилинди; Эргашев Илхом Қулдошевич – судьялик ваколати муддати даврига Сурхондарё вилояти жиноят ишлари бўйича Сариосиё туман судининг раиси лавозимига қайта тайинланди ва шу муносабат билан Самарқанд вилояти жиноят ишлари бўйича Самарқанд шаҳар судининг судьяси лавозимидан озод қилинди; Акрамов Акмал Акрамович – судьялик ваколати муддати даврига Сурхондарё вилояти фуқаролик ишлари бўйича Қумқўрғон туманлараро судининг судьяси лавозимига қайта тайинланди ва шу муносабат билан Тошкент вилояти фуқаролик ишлари бўйича Зангиота туманлараро судининг судьяси лавозимидан озод қилинди; Нармухамедов Абдулла Абдимажитович – судьялик ваколати муддати даврига Тошкент шаҳар жиноят ишлари бўйича Олмазор туман судининг судьяси лавозимига қайта тайинланди ва шу муносабат билан Тошкент вилояти жиноят ишлари бўйича Юқоричирчиқ туман судининг судьяси лавозимидан озод қилинди. Шунингдек: Хонбўтаева Дилноза Усмоналиевна – судьялик ваколати муддати даврига Навоий вилоят судининг жиноят ишлари бўйича судьяси лавозимига; Шаропов Нодирбек Юнусович – судьялик ваколати муддати даврига Бухоро вилоят судининг жиноят ишлари бўйича судьяси лавозимига тайинланди. Бундан ташқари: Нийматов Мансур Нурмаматович – судьялик лавозимида бўлишнинг навбатдаги ўн йиллик муддатига Қашқадарё вилояти фуқаролик ишлари бўйича Касби туманлараро судининг судьяси лавозимига; Хамидов Хусан Файзуллаевич – судьялик лавозимида бўлишнинг навбатдаги ўн йиллик муддатига Тошкент вилояти жиноят ишлари бўйича Янгийўл туман судининг судьяси лавозимига; Содиқов Хуршид Абдисамад ўғли – судьялик лавозимида бўлишнинг навбатдаги ўн йиллик муддатига Тошкент шаҳар жиноят ишлари бўйича Учтепа туман судининг судьяси лавозимига; Бахромов Алишер Яхё ўғли – судьялик лавозимида бўлишнинг навбатдаги ўн йиллик муддатига Навоий вилояти фуқаролик ишлари бўйича Навбаҳор туманлараро судининг судьяси лавозимига; Утамуродов Зарифжон Мухаммадқулович – судьялик лавозимида бўлишнинг навбатдаги ўн йиллик муддатига Навоий вилояти фуқаролик ишлари бўйича Хатирчи туман судининг судьяси лавозимига; Ботиров Салим Файзиевич – судьялик лавозимида бўлишнинг навбатдаги ўн йиллик муддатига Қашқадарё вилояти жиноят ишлари бўйича Шаҳрисабз шаҳар судининг судьяси лавозимига; Рахмудинов Сардор Жураевич – судьялик лавозимида бўлишнинг навбатдаги ўн йиллик муддатига Тошкент вилоят маъмурий судининг судьяси лавозимига тайинланди. Судьялар олий кенгаши матбуот хизмати
Ишонч телефони
Сизда ариза, шикоят ёки таклифлар мавжудми? Судьялар олий кенгашига ишонч телефонлари орқали мурожаат қилинг!
71 200-26-00 ёки 1190