Янгиликлар
Танлов давом этмоқда
Судьялар олий кенгаши ҳузуридаги Судьялар олий мактабини муваффақиятли битирган номзодларни судьялик лавозимида бўлишнинг биринчи беш йиллик муддатига тайинлаш масаласи кўриб чиқилиши давом этмоқда. Бугун бўлиб ўтган Судьялар олий кенгашининг очиқ танлов шаклидаги йиғилишида яна етти нафар номзод судьялар ҳамжамияти аъзолигига қабул қилинди. Судьялар олий кенгаши қарори билан: Юсупов Хуршид Абдурашитович – судьялик лавозимида бўлишнинг биринчи беш йиллик муддатига Жиззах вилояти фуқаролик ишлари бўйича Ғаллаорол туманлараро судининг судьяси лавозимига; Каримов Шохрух Шавкатович – судьялик лавозимида бўлишнинг биринчи беш йиллик муддатига Навоий вилояти фуқаролик ишлари бўйича Хатирчи туман судининг судьяси лавозимига; Таджибаева Раъно Эргашевна – судьялик лавозимида бўлишнинг биринчи беш йиллик муддатига Тошкент вилояти фуқаролик ишлари бўйича Оҳангарон туманлараро судининг судьяси лавозимига; Абулқосимова Ситора Абдулкосимовна – судьялик лавозимида бўлишнинг биринчи беш йиллик муддатига Тошкент вилояти фуқаролик ишлари бўйича Янгийўл туманлараро судининг судьяси лавозимига; Юлдашева Навбахор Эргашевна – судьялик лавозимида бўлишнинг биринчи беш йиллик муддатига Хоразм вилояти жиноят ишлари бўйича Шовот туман судининг раиси лавозимига; Сапаев Хамрабек Рахимберганович – судьялик лавозимида бўлишнинг биринчи беш йиллик муддатига Хоразм вилояти жиноят ишлари бўйича Ҳазорасп туман судининг раиси лавозимига; Усманов Иномжон Исломбаевич – судьялик лавозимида бўлишнинг биринчи беш йиллик муддатига Хоразм вилояти жиноят ишлари бўйича Урганч туман судининг раиси лавозимига тайинланди.
Очиқ танлов якунланди: танланган ва тайинланганлар
Бугун Судьялар олий кенгаши ва Судьялар олий малака ҳайъатининг навбатдаги судьялик лавозимларига танлаш ва тайинлашга доир очиқ танлов шаклидаги йиғилиши бўлиб ўтди. Унда бир нечта масалалар қатори ваколати якунига етган судьяларни ушбу лавозимда бўлишнинг навбатдаги муддатига, тавсия этилган бир гуруҳ судьяларни эса муқобиллик асосида ваколати муддати даврига қайта тайинлашга оид масалалар кўриб чиқилди. Муҳокамалар якунида тегишли қарорлар қабул қилинди. Судьялар олий кенгаши қарори билан: Азизов Иқболжон Гулямович – судьялик ваколати муддати даврининг беш йил муддатига Андижон вилояти фуқаролик ишлари бўйича Қўрғонтепа туманлараро судининг раиси лавозимига қайта тайинланди ва шу муносабат билан Андижон вилояти фуқаролик ишлари бўйича Андижон туманлараро судининг раиси лавозимидан озод этилди; Обидинов Ғиёсиддин Низамидинович – судьялик ваколати муддати даврига Андижон вилоят судининг фуқаролик ишлари бўйича судьяси лавозимига қайта тайинланди ва шу муносабат билан Андижон вилояти фуқаролик ишлари бўйича Асака туманлараро судининг судьяси лавозимидан озод этилди; Усмонов Зафар Акрамович – судьялик ваколати муддати даврининг беш йил муддатига Бухоро вилояти фуқаролик ишлари бўйича Қоракўл туманлараро судининг раиси лавозимига қайта тайинланди ва шу муносабат билан Бухоро вилояти фуқаролик ишлари бўйича Ғиждувон туманлараро судининг раиси лавозимидан озод этилди; Разиков Ўткир Собирович – судьялик ваколати муддати даврига Бухоро вилояти фуқаролик ишлари бўйича Ғиждувон туманлараро судининг раиси лавозимига қайта тайинланди ва шу муносабат билан Бухоро вилояти фуқаролик ишлари бўйича Пешку туманлараро судининг раиси лавозимидан озод этилди; Сафаров Умиджон Хакимжонович – судьялик ваколати муддати даврига Фарғона вилоят судининг фуқаролик ишлари бўйича судьяси лавозимига қайта тайинланди ва шу муносабат билан Фарғона вилояти фуқаролик ишлари бўйича Қўқон туманлараро судининг судьяси лавозимидан озод этилди; Абдубаннабов Махкамжон Мурадилович – судьялик ваколати муддати даврига Фарғона вилоят судининг жиноят ишлари бўйича судьяси лавозимига қайта тайинланди ва шу муносабат билан Фарғона вилояти жиноят ишлари бўйича Данғара туман судининг раиси лавозимидан озод этилди; Исмоилов Одилжон Мухамаджонович – судьялик ваколати муддати даврининг беш йил муддатига Фарғона вилояти жиноят ишлари бўйича Риштон туман судининг раиси лавозимига қайта тайинланди ва шу муносабат билан Фарғона вилояти жиноят ишлари бўйича Фарғона шаҳар судининг судьяси лавозимидан озод этилди; Алмосова Дамира Абдурахмоновна – судьялик ваколати муддати даврига Бухоро вилояти фуқаролик ишлари бўйича Ромитан туманлараро судининг судьяси лавозимига қайта тайинланди ва шу муносабат билан Жиззах вилояти фуқаролик ишлари бўйича Ғаллаорол туманлараро судининг судьяси лавозимидан озод этилди; Тожибоев Эрмамат Эгамбердиевич – судьялик ваколати муддати даврига Жиззах вилоят судининг фуқаролик ишлари бўйича судьяси лавозимига қайта тайинланди ва шу муносабат билан Жиззах вилояти фуқаролик ишлари бўйича Жиззах туманлараро судининг судьяси лавозимидан озод этилди; Шамшиев Шавкат Халбаевич – судьялик ваколати муддати даврига Сирдарё вилоят судининг жиноят ишлари бўйича судьяси лавозимига қайта тайинланди ва шу муносабат билан Жиззах вилояти жиноят ишлари бўйича Зомин туман судининг раиси лавозимидан озод этилди; Разаков Сайдулла Юлдашевич – судьялик ваколати муддати даврининг беш йил муддатига Сирдарё вилояти жиноят ишлари бўйича Боёвут туман судининг раиси лавозимига қайта тайинланди ва шу муносабат билан Сирдарё вилояти жиноят ишлари бўйича Мирзаобод туман судининг раиси лавозимидан озод этилди; Содиқов Собир Шухратович – судьялик ваколати муддати даврига Қашқадарё вилоят судининг жиноят ишлари бўйича судьяси лавозимига қайта тайинланди ва шу муносабат билан Жиззах вилояти жиноят ишлари бўйича Фориш туман судининг раиси лавозимидан озод этилди; Мамадаминов Бахтиёр Муминкулович – судьялик ваколати муддати даврига Жиззах вилоят судининг жиноят ишлари бўйича судьяси лавозимига қайта тайинланди ва шу муносабат билан Жиззах вилояти жиноят ишлари бўйича Янгиобод туман судининг раиси лавозимидан озод этилди; Умурзаков Асқар Мирзаевич – судьялик ваколати муддати даврига Жиззах вилояти жиноят ишлари бўйича Зомин туман судининг раиси лавозимига қайта тайинланди ва шу муносабат билан Жиззах вилояти жиноят ишлари бўйича Дўстлик туман судининг раиси лавозимидан озод этилди; Расулов Зафаржон Носиржонович – судьялик ваколати муддати даврига Наманган вилоят судининг жиноят ишлари бўйича судьяси лавозимига қайта тайинланди ва шу муносабат билан Наманган вилояти жиноят ишлари бўйича Учқўрғон туман судининг раиси лавозимидан озод этилди; Файзиев Аъзам Азаматович – судьялик ваколати муддати даврига Тошкент шаҳар Тошкент туманлараро иқтисодий судининг судьяси лавозимига қайта тайинланди ва шу муносабат билан Самарқанд вилояти Самарқанд шаҳар иқтисодий судининг судьяси лавозимидан озод этилди; Худайберганов Бекзод Тоштемирович – судьялик ваколати муддати даврининг беш йил муддатига Самарқанд вилояти фуқаролик ишлари бўйича Пайариқ туманлараро судининг раиси лавозимига қайта тайинланди ва шу муносабат билан Сирдарё вилоят судининг фуқаролик ишлари бўйича судьяси лавозимидан озод этилди; Файзиев Зубайдулло Мурадуллаевич – судьялик ваколати муддати даврига Сирдарё вилоят судининг фуқаролик ишлари бўйича судьяси лавозимига қайта тайинланди ва шу муносабат билан Сирдарё вилояти фуқаролик ишлари бўйича Боёвут туманлараро судининг раиси лавозимидан озод этилди; Рамазонов Шавкатбек Халимович – судьялик ваколати муддати даврининг беш йил муддатига Самарқанд вилояти фуқаролик ишлари бўйича Ургут туман судининг раиси лавозимига қайта тайинланди ва шу муносабат билан Самарқанд вилоят судининг фуқаролик ишлари бўйича судьяси лавозимидан озод этилди; Абдиев Хуршидбек Каттабекович – судьялик ваколати муддати даврига Самарқанд вилоят судининг фуқаролик ишлари бўйича судьяси лавозимига қайта тайинланди ва шу муносабат билан Самарқанд вилояти фуқаролик ишлари бўйича Самарқанд шаҳар судининг судьяси лавозимидан озод этилди; Абдурахманов Ўткирбек Абдухалилович – судьялик ваколати муддати даврининг беш йил муддатига Сирдарё вилояти фуқаролик ишлари бўйича Боёвут туманлараро судининг раиси лавозимига қайта тайинланди ва шу муносабат билан Тошкент вилояти фуқаролик ишлари бўйича Янгийўл туманлараро судининг судьяси лавозимидан озод этилди; Хамрокулов Ислом Каюмович – судьялик ваколати муддати даврининг беш йил муддатига Самарқанд вилояти Самарқанд шаҳар иқтисодий судининг раиси лавозимига қайта тайинланди ва шу муносабат билан Самарқанд вилоят судининг иқтисодий ишлар бўйича судьяси лавозимидан озод этилди; Рузметов Мурод Улуғбекович – судьялик ваколати муддати даврига Хоразм вилоят судининг жиноят ишлари бўйича судьяси лавозимига қайта тайинланди ва шу муносабат билан Хоразм вилояти жиноят ишлари бўйича Ҳазорасп туман судининг раиси лавозимидан озод этилди; Пиржонов Журъат Ражаббаевич – судьялик ваколати муддати даврига Хоразм вилоят маъмурий судининг судьяси лавозимига қайта тайинланди ва шу муносабат билан Хоразм вилояти Урганч туманлараро маъмурий судининг судьяси лавозимидан озод этилди. Шунингдек: Якубов Бунёд Адилбекович – судьялик ваколати муддати даврига Хоразм вилояти жиноят ишлари бўйича Урганч шаҳар судининг судьяси лавозимига; Джураев Илҳом Сайфиевич – судьялик ваколати муддати даврига Бухоро вилояти фуқаролик ишлари бўйича Пешку туманлараро судининг раиси лавозимига қайта тайинланди. Бундан ташқари: Султанов Рустам Дилшадович – судьялик лавозимида бўлишнинг навбатдаги ўн йиллик, шундан беш йил муддатга Андижон вилояти фуқаролик ишлари бўйича Андижон туманлараро судининг раиси лавозимига; Мирзаев Умиджон Сайдахмадович – судьялик лавозимида бўлишнинг навбатдаги ўн йиллик муддатга Фарғона вилояти фуқаролик ишлари бўйича Қўқон туманлараро судининг судьяси лавозимига тайинланди.
Ўзинг билан юзма-юз...
Шарл Луи Монтеськенинг (1689-1755 йй.) “Қонунлар руҳи ҳақида” асари нафақат давлат ва ҳуқуқ назариясининг концептуал асосларидан бири, шу билан бирга илмий-назарий қарашлар, энг асосийси, фалсафий асар ҳамдир. Асарда муаллиф қонунни шунчаки ҳуқуқий ҳужжат эмас, балки миллат ахлоқиятининг тирик организм сифатида тақдим этади. Яъни, қонун ижтимоий муносабатларни тартибга солувчи бошқарув воситасигина эмас, балки муайян халқининг руҳи, маданияти, эътиқоди, урф-одатларининг кўзгуси сифатида кўрсатилади. Шунинг учун ҳам қонуннинг шаклий жиҳатлари ҳақида эмас, балки унинг руҳияти ҳақида сўз юритади. Зеро, шакл ўзгармасдир, бироқ руҳият - тирикликнинг шундай ажралмас қисмики, уни англаш учун ҳиссиёт ва том маънодаги шахсий иштирок зарур, деб ҳисоблайди. Асар мутолаасидан илк хулосам: судья фалсафадан хабардор бўлиши шарт. Фалсафадан йироқлашган судья ҳуқуқ ёки мажбуриятни шунчаки “қурол” сифатида билади. Фикрловчи судья эса уларда “адолатнинг меъёри”ни ҳам кўради. Агар у ўзига “нима учун?” деган саволни бермас экан, амалдаги қоидаларни қўллашда меъёрга путур етади, ижтимоий адолатнинг мувозанати бузилади. Фалсафа доимий равишда ички мулоқотни талаб қилади. Судья ўзи билан қилган ички мулоқотида “Иккиланиш ёхуд шубҳаланиш ҳиссига эга бўлмай туриб, ҳукм чиқаришим мумкин-ми? Агар Қонун ва Инсонийлик ўртасида чегарани ҳис қилмасам, адолатли ҳукм чиқара оламанми?” каби саволлар жавоб ахтаради. Зеро, Монтескье дейдики, одил судлов касб ёхуд ҳунар эмас, бу “йўл”дир, у шундай машаққатли “йўл”ки, сен – шахс, нафс, ҳиссиёт, адолат, меъёр, фикрлар хилма-хиллиги, принциплар тўқнашуви ва шу каби бошқа шахсий хулоса ва ечим беришинг керак бўлган масалалар билан рўпара бўласан. Энг асосийси – бу йўлда сенинг “идеал” қарашларинг ва “реаллик” ўртасидаги тўқнашувдан ҳосил бўлган “ички қалб оғриғисиз” юриб бўлмайди... Асардаги мен англаган яна бир ғоя шуки, эркинлик-озодлик – бу тартибсизлик ёки “анархия” эмас, балки адолатли қонунларга онгли итоатдир. Шу билан бирга, қонунлар ҳам жамиятнинг том маънодаги етуклигининг ифодаси бўлиши даркор. Монтескье ахлоқийликка шундай юксак баҳо берадики, қаердаки ахлоқсизликка асосланган қонунлар бўлса, шу ерда улар зўравонликни амалга ошириш қуролига айланади, дейди. Монтескьега кўра, асл деспотия – ташқи ҳукмрон кучнинг таъсиридан эмас, балки ички ўз-ўзи ушлаб туриш, тийиб турувчи механизмларнинг мавжуд эмаслигидан бошланади. Бунда судьялар учун уларнинг шахсий (ички) кураши жуда муҳим аҳамият касб эта бошлайди. Зеро, энг оғир кураш, бу ташқи босим билан эмас, балки ўз кибринг, чарчоқларинг ва иккиланишларинг билан содир бўлади. Судьялик - мунтазам ва ҳар куни “тўғри” бўлган ишни эмас, балки “қулай” бўлган ишни қилишдан тийилишдан иборат битмас кураш ҳамдир. Ушбу курашларда эса, қонунлар йўлчи юлдуз каби бўлиши лозим. Қонунлар руҳи эса судья учун ички интизом, ўзи билан ўзининг муросасизлиги ва ўзини назорат қила олишидир. Судьянинг ўз виждони олдида хотиржамлиги деганда, ўзининг ҳақ эканлигини ҳис қилиши эмас, балки ўзининг ҳақлигини шубҳа остига олишини англаш демакдир. Айнан шундагина етуклик, инсонийлик намоён бўлади. Назаримда, ушбу рисоланинг марказий ғояларидан яна бири, керак бўлса, юксак ахлоқий фалсафаси, қонун бу – усул ёхуд восита эмас, балки танлов эканлиги, у ёки инсон қадр-қиммати учун хизмат қилади, ёки унга қарши туради. У ё адолатни жонлантиради, ё лоқайдликни ниқоблаш учун фойдаланилади. Муаллиф худдики судьяларга қарата: “Сиз муҳандис ёки қурувчи эмассиз, сиз инсонийликнинг йўлчи юлдузи кабисиз. Агар Сизнинг рўпарангизда турган одам суд залини норозилик, шахсий камситилганлик ва адолатсизлик ҳисси билан чиқиб кетса, демак, Сиз қонунлар руҳини илғамаган бўласиз”, дегандек гўё. Асарда мавжуд муаммо ва камчиликларга аниқ бир ечим берилмаган. Унда фақатгина сўнгги манзилни кўрсатишга ҳаракат ва унга элтувчи йўллар хусусида мулоҳазалар билдирилган. Бу йўлда фикрлаш ва танлов сизнинг ҳамроҳингиз сифатида кўрсатилгандек. Бу шундай йўлки, ҳар бир судья учун якуний манзил нафақат низоларга ҳуқуқий ечим топиш, балки ўзликни англашга интилиш сари етаклайди. Қонунлар руҳи, бу – зоҳирий тартиб эмас, балки ички хотиржамликда туғилувчи адолатли қарорлар қабул қила олиш, шунингдек, судьялик ваколати ва масъулиятини белгиловчи мезон ҳам демакдир. Ушбу асар мутолааси ҳар бир ҳуқуқшунос, айниқса, судья учун фойдадан ҳоли эмас. Зеро, ҳар бир инсон ўзига муносиб деб топганини бошқаларга ҳам улашиши қонунлар руҳидандир. Ўткирбек Соатов, Тошкент шаҳар маъмурий суди судьяси
Ишонч телефони
Сизда ариза, шикоят ёки таклифлар мавжудми? Судьялар олий кенгашига ишонч телефонлари орқали мурожаат қилинг!
71 200-26-00 ёки 1190